سياسة الخصوصية

شنو نخزّن، ومنو يشوفه، وشلون تتحكم بيه.

آخر تحديث: 2026-10-27

شنو نخزّن

نخزّن بس اللي يحتاجه التطبيق ليشتغل:

حسابك: الاسم، رقم الهاتف، وكلمة السر (مشفّرة، ما نگدر نقرأها).
ملفك الطبي: اللي تدخله إنت واللي يكتبه طبيبك: وصفات، نتائج تحاليل وأشعة، تقارير، أدوية، حساسية، فصيلة الدم.
مواعيدك ودورك بالعيادة.
الأجهزة المفتوحة بحسابك، حتى تشوفها وتطلّع منها اللي ما تعرفه.

إنت. والطبيب أو المكان اللي تعطيه الوصول أو اللي يفتح ملفك وإنت عنده بالعيادة.

كل مرة يُفتح ملفك، تنكتب بسجل «منو شاف ملفك»: منو، ومتى، وشنو شاف. تگدر تراجعه من التطبيق بأي وقت.

فريق طبلة ما يفتح محتوى ملفك الطبي إلا لسبب أمني أو بطلب منك، وكل فتح يُسجّل.

تگدر تشارك ملفك أو جزء منه برمز أو QR مع طبيب أو مختبر أو صيدلية، لمدة تحددها.

الرابط ما يظهر بمحركات البحث. وتگدر تلغي المشاركة بأي لحظة من التطبيق، ويوقف الرابط فوراً.

بطاقة الطوارئ تعرض بس اللي يلزم الإسعاف: فصيلة الدم، الحساسية، الأمراض المزمنة، وأهلك للطوارئ.

تنفتح بالرمز اللي على البطاقة. إنت تقرر شنو يظهر عليها، وتگدر توقفها.

ما نعرض رقم أي طبيب أو صيدلية أو مختبر بالموقع أو التطبيق. التواصل كله يصير داخل طبلة.

ما نبيع ولا نأجّر ولا نشارك بياناتك الطبية مع معلنين أو شركات تسويق. ما عدنا إعلانات مبنية على ملفك.

من الإعدادات بالتطبيق اختار «سد الحساب». يتوقف حسابك وتُحذف بياناتك الشخصية.

ملاحظة: اللي كتبه الطبيب بسجل العيادة كجزء من عمله الطبي قد تحتفظ به العيادة حسب التزاماتها.

الاتصال مشفّر. كلمات السر تنحفظ بشكل ما يرجع. الدخول مربوط بالجهاز، وتگدر تطلّع أي جهاز من التطبيق.

إذا تغيّرت، نغيّر التاريخ اللي فوق ونبلّغك بالتطبيق إذا كان التغيير جوهري.

لأي سؤال عن بياناتك أو لطلب نسخة منها، استعمل زر «تواصل» داخل التطبيق.